مصر ما بين النقاب وماكدونالدز

الشباب الكوول مش بيتكلم عربى
العربى مش كوول
وعيب يقرا عربى ادام الناس ليفتكروا انه كان مدارس عربى ومش ابن ناس
ماشى
وبالمرة مش لازم يتفرج على افلام عربى
لحسن يقولوا ان زيه زى عامة الشعب

وسيبك من ثقافتنا المصرية

ويالا نستورد الامريكانى ونبقى الشباب الماكدونالدز
ولما الشباب البيئة بقى بيخرج فى ماكدونالدز
الشياب الهاى كلاس جرى على ثقافة تانية غير المصرى والامريكانى بسرعة
يالا ناكل سوشى
يالا نلعب يوجا
ونتكلم على الينج يانج

كل دة ماشى
زى الاغنيا ما بيروحوا اماكن تفصلهم عن الرعاع
min charge عن طريق الـ
لازم ياكلوا حاجة تانية ويشوفوا حاجة تانية

طب الثقافة المصرية يا جماعة
"سورى مش نتكلم الارابو"

لكن
ليه يجيلى مواطن مدارس حكومية
وجامعة القاهرة
وبيفرجنى على سيناريو هو كاتبه
اول كلمة فيه
البطلة بت بتغرى بحتت من جسدها ومصاحبة شاب متيلل

heavy metal وبالسؤال عن شاب متيلل طلع انه شاب بيسمع

يا عمنا انتى مش مصرى؟
" سورى يا مان...انا ضايع فى العربى وفخور بكدة"

بلاش عربى ماحدش بيتكلم مصرى
اعرفوا البلد طب

تلات بنات عندهم 18 سنة جامعة امريكية
مايعرفوش شادية
وسمعوا عن واحد اسمه محمود ياسين

خير يا جماعة؟

طب دول الشباب اللى راحوا على ماكدونالدز والسوشى

نشوف بقى شعبنا الطيب الجميل
اللى لسة ماسك فى مصر
يا حبيبتى يا مصر

دول بقى كان صعب عليهم يستورودوا السوشى واالماك ثقافة

راحوا بصوا لقوا جارهم السباك رجع من الخليج ومعاه مروحة

جبتها ازاى يا ابو احمد....وجبتى الدهب ازاى يا ام هناء؟

قالوا لهم من الخليج اللى بيعرف ربنا

راح الشعب جارى على السعودية وغرق فى ثقافة الصحراء

واحنا بس اللى صح ويالا نقاب يالا تشدد

هممم...ماجبش نتيجة التشدد

لسة فقرا زى ما احنا
نعمل ايه يا شيخ عمر عبد الرحمن؟

الظاهر بقى لازم مع التشدد
نجاهد
اللى يقدر يفرقع نفسه يا ريت
واللى يقدر يخوف اى حد مش زينا يا عينى
ولما نخلص من كل الكلام دة حتشوفوا

هنبقى ولا سويسرا الكافرة

طب ما هى كافرة يا حج؟

لا دول اخدوا الجنة فى الدنيا

احنا بقى انصح
طب فين الثقافة المصرية؟

آسفين...مانعرفهاش...نفنسنا بس نحط سيف على علم مصر يمكن البترول يجيلنا"

مصر ما بين النقاب وماكدونالدز
بقت كشرى بالملوخية

وسقعلنا ازازة بيبس من فضلك علشان نهضم العك دة