مصر هى امى

( maskoff مقالة تم نشرها فى مجلة )

شوف يا ابنى او يا بنتى...حبها بمزاجك علشان مالكش غيرها
امريكا شايفاك ارهابى وعندهم حق...واوروبا شايفاك متخلف وبرضه عندهم حق
من الآخر الجيل دة واللى بعدينا (انا عندى تلاتين سنة) مالوش غير مصر
styleفكبروا من قراءة الكتب الامريكانى علشان المصرى مش
واتكلموا عربى فى الكافيهات ابوس ايديكم...خلاص...احنا مصريين بالعافية
مصر هى امنا بالذوق او بالعافية
واللى سافر سافر
واللى ذاكر ذاكر
طب نعمل ايه ...البلد مش الطف مكان فى الدنيا
ومش حاقولك ابتدى بنفسك وكلام القناة التالتة دة
انا ببساطة بقولك تقبل الوضع
وابتسم انت فى مصر
فين تانى حتلاقى انك من انضف الناس لمجرد انك بتعرف تقول هاللو بالانجليزى؟
ipodولا كونك معاك

دة يديك الحق انك تحكى قصة نجاحك فى دنيا الاعمال؟
ويا سلام لو عندك لابتوب

..تدفع 10 جنيه وتقعد فى الكافيه وتقنع نفسك انك بتشتغل على الماسنجر
حتلاقى فين بلد لمجرد انك حافظ بيتين شعر من رباعيات جاهين

تقدر تلبس كوفية وتقنع الناس انك من المثقفين؟
او ممكن تدير حديث كامل عن علمك علشان سمعتلك كلمة من مصطفى محمود
حتلاقى فين ناس تنبهر بيك لمجرد

انك قلت انك سمعت من واحد ماتعرفوش عن تجربة انت مش متذكرها

انهم عملوا حاجة ما معناها ان الفراعنة كانوا جامدين
حتلاقى فين ناس منتهى احلامهم

انهم يشتغلوا فى فودافون ويجيبوا اللانوس السودا وشقة فى الشيخ زايد
يعنى من الآخر انت لو طلعت برة حتكتشف انك عادى جدا
يا استاذ انت كونك عارف تقرا المقالة دى معناها انك من احسن 50% (نسبة الامية فى مصر)
وكونك وصلت للمجلة دى معناها انك عادى تدفع فى شاى ايرل جراى 12 جنية

...يعنى انت من علية القوم بكوباية شاى وفك الخط
عايز ايه تانى؟
كل سنة وانتى طيبة يا مصر
وربنا يجعلها آخر الاحزان