جوسلين صعب...دنيا الصوفية السينمائية

فيلم دنيا مش فيلم عادى
هو اقرب الى حالة فنية منه الى فيلم سينمائى
فعشاق الواقعية فى السينما مش حيعجبعهم واكيد اى واحد بيحب افلام سعد الصغير انصحه انه مايفكرش فى الفيلم دة
مع ان الفيلم يناقش قضية قتل حب الحياة عند الفتاة المصرية عامة
وختانها على وجه الخصوص
الا ان المميز فى الفيلم هو طريقة العرض وليس السرد
يعنى المميز هو انت بتشوف ايه مش طريقة الحكى للقصة

دنيا فتاة اضطرت لاعطاء جسمها للمجتمع

اما عقلها للفكر وروحها للرقص

ولكن المجتمع يقتل كل هذا فيها
فجسمها تم ختانه...وزوجها يفرض عادات المجتمع عليها
اما عقلها فمع دكتور بشير الصوفى الذى يهاجمه المتطرفون من المجتمع
وروحها مع الرقص المحرم من المجتمع من اول رقص العوالم الى الرقص الحديث

اعتقد ان هذا ما نريد قوله جوسلين صعب
اما الختان و منع الف ليلة وليلة الاصلية فهى موضوعات ثانوية تكمل الموضوع

جوسلين هى كاتبة السيناريو ومهندسة الديكور
لذلك ستجد الديكور غير واقعى فهو مكمل الحالة الصوفية للفيلم

اما عن الصوفية فى الفيلم فهى اسلوب الطرح للقضية
النشوة وحب الحياة عند الصوفيين
حب الموسيقى والعشق وحب الحب ذاته

وهو ما تأثرت به جوسلين بقوة عند كتابة الفيلم
من اول شخصية بشير الى الرقص الصوفى مع وليد عونى وهو يشرح لها الدوران
الدوران مثل دراويش المولوية

المصيبة بقى انه عند عرضه 2005 فى مهرجان القاهرة
الندوة اللى بعد الفيلم قلبت بكارثة
هجوم على جوسلين وحنان ترك اللى عيطت ومحمد منير

آخر كلمة فى الفيلم ان 97% من بنات مصر تعرضن للختان حسب احصائيات الامم المتحدة

طب انا مش فاهم يعنى هى جابت الكلام دة من بيتها؟
وفين تشويه صورة مصر؟
ما هى البلد مشوهة
والمجتمع فعلا بيعامل البنات معاملة زبالة

احنا بنقول للرجل انه بيعمل حاجات حرام
انما البنت بنقولها ان هى نفسها حرام

كل خطب الجمعة عن البنات قد ايه هم سبب بلاوى الامة
تروح المترو كل الملصقات عن اسرائيل الافعى ةالمرأة الشيطانة اللى لازم تتغطى

ماحدش بيجيب سيرة العمل او العلم
كله عن البنات وقد ايه هم قلالات الادب وسبب نجاسة الامة

والختان دليل على ذلك
ولولا ان الرجل محتاج ما بين فخذيها
كان سده باسمنت وريح دماغه من العاهرات بالفطرة

تحية الى جوسلين صعب
وشهرزاد