مبروك يا ام بدوى...مصر بقى فيها النووى
اشمعنا ايران تبقى نووية؟
الشعب المصرى قفش والقرار طلع بعد ما الشعب طالب بالنووى
وان كنت لا اتذكر ان الشعب طلب اى حاجة نووية
الناس عايزة تاكل بيض وفراخ
حاجات اساسية بعد عرفوا ان الحكومة صعب عليها الحاجات المعقدة
مثل المواصلات العامة
او يشربوا مية نسبة التلوث فيها لا تتعدى ال70% او يتعلموا تعليم مافيهوش سيتحد العرب سنة 2000
والسيارات ستمشى بالبطاطا وكل المواضيع المتخلفة فى المناهج المصرية
ازاى يعنى نطالب بالنووى...انا كنت طالب بكلية الهندسة جامعة القاهرة قسم كيمياء
ولم اتعلم شيئا عن الهندسة النووية...لكن علشان هندسة الاسكندرية فيها نووى...لقيت كارنيه النقابة طالعلى اننى مهندس كيميائى ونووى
انت عايز منظر هندسة القاهرة يبقى وحش؟؟؟ ايوة احنا كمان عندنا قسم نووى
ومصر بنت الهرم ...اكيد كلية الهندسة فيها نووى
المهم...سيبك من التعليم وخليك فى الشعب الجعان
ازاى يعنى شعب مش لاقى ياكل حيطالب بالنووى...وكل اللى يعرفوه ان النووى دة بيزعل امريكا
وامريكا بتجيبلنا السمنة والزيت والعيش
المهم القرار طلع...النووى رضوخا لارادة الشعب
طبعا البحث العلمى المصرى آخره يعمل اساتيك ...ودى بجد مش هزار
وزارة الصناعة لا حول لها ولا قوة فى هذا الشأن
لان وزارة الصناعة دورها هو اعطاء تراخيص للمصانع ولم الاتوات
...اما دورها فى التطوير او التخطيط فهو غير موجود الوزارة دة شغلتها الاسترزاق
المصانع تستورد الماكينات من الدول الصناعية...الجمارك تسترزق
الاجانب تعلم المهندسين كيفية التشغيل
المصانع تستورد المواد الاولية...الجمارك تسترزق
المهم النووى دة مش قضية وزارة الصناعة
طبعا الحل الوحيد هو اللجوء للصين
الصين تعملنا مفاعل نووى وممكن يبقى فنارة بليل ويتقلب ديسكو فى الصيف
والصين بالمرة تستوردلنا اليورانيوم
والخبرات
والمهندسين والعمال ويقتصر الدور المصرى النووى على اعطاء التصريحات
ومبروك يا ام بدوى
مصر فيها النووى
جزء من الاحتفالات امام المفاعل النووى
طبعا ناقص نجيب عروسة المولد
واستعراض الفراعنة
posted by zooty-man at
5:16 AM
3 Comments:
meya meya ya zooty, wallahi kelmet 7a2 fe 3asr baladat al3a2l.
Hua e7na na2seen ya nas ya 7`al2, na2seen mofa3el nawawee? khalas ya3ni 7`elset mashaklena?
We ba3dein nawawee ayam 3abdel nasser lama elnas etkalemu feeh, ahu kan wa2t shadd we gazb we kanet elbalad deeh heya elee memasheya elshar2 elawsat we kan lazem ne3mel tawazon.
Enama deeh ba2a 7`ebet elaml rakba elgamal besara7a lama ye3melolna men el7abba 2obba we 3ala eih, 3ala mofa3el nawawee lelkahraba, we kaman lama tetla3 3aleina elgareeda el3azeema elee kabsa 3ala nafasna we te2ollena fe awel saf7a: ra2ees wozara' israel bey2ool enohom mesh mo3taredeen 3ala barnameg elnawawee beta3 masr?
ya 7alawa ya wlad, el7amdulelah israel mesh mo3tareda we e7na ahoh tamam we masheen ganb el7eit.
7eit eih we neelet eih? ma7na kollena ba2ena mashyeen ganb el7eet we sa7ee7: 7`ebet elaml rakba elgamal
انا هحكي قصة بسيطة ,
و هنكتشف ان قصة النووي دي اوقع كثير من قصص قبل كدة ,,
مصر عبدالناصر قاهرة العدوان الخماسي
قررت بعد طول تفكير و تحضير و
تحشيش
دخول عصر الفضاء ,, نعم الفضاء
هاهاهاها
اه و اللهي الفضاء
هذا ما حدث في قصة الصواريخ الشهيرة "القاهر و الظافر و الناصر
تولى امرها ضابط من اهل الثقة مع خبراء المان اقنعو الحكومة بامكانية تصنيع صواريخ و تم رصد ميزانية ضخمة
و النتيجة اكبر عملية نصب على الحكومة المصرية
هكذا دخلت مصر عصر الفضاء
قصة بتفكرنا بتوفيق الدقن و اسماعيل ياسين في شركة الفضاء الخارجي لما كانو بيبيعو تقسيم اراضي على القمر
و اه يا بلد
و اللهي النووي اوقع
momkin
tehsra7 aktar?
el qaher we el zafer dool kano sawareekh 7arbya fashla
enta asdak sawareekh tetla3 el 2amar?
abd el nasser kan 3ayez yetla3 el 2amar
howa kan 3aref yeroo7 sharm el shiekh?
Post a Comment
Subscribe to Post Comments [Atom]
<< Home