رنة قانون
مصر مش اسم فى خانة الوطن
دى تفاصيلها مسجونة معانا جوة البدن
مصر يا رنة قانون
ريحة الليمون
شاى العصارى
تحت الغصون
زحمة الحسين
ندا البياعين
دلع البنات
وهم ماشين
عرق الفلاحين
نخلة وطين
لمة العيلة
واحنا سهرانين
ومهما عملنا شوف هنبعد لحد فين
نتغرب ونهاجر ونسافر برضه لسة مصريين
ونسمع صوتك يا بهية مع كل رنة قانون
ونشم ريحة توبك يا اما فى غصن الليمون
عزت امين2007
posted by zooty-man at
8:55 AM
2 Comments:
Ciao from Italy =^.^=
جميل يا عزت جدا
أول مره أعرف إن كلامك حلو جدا زي أحاسيسك.
بجد فنان يا بني والله ... ربنا معاك.
عماد ممدوح (العجوز)
Post a Comment
Subscribe to Post Comments [Atom]
<< Home